«سەۆكازەنەرگوسبىت»  ەلەكتر قۋاتى باعاسىن وسىرۋگە بەكىنىپ وتىر

ەڭ باستى سەبەبى ەلەكتر ەنەرگياسىن تاسىمالداۋ قۇنىنىڭ ارتۋى كورىنەدى. ونىڭ ۇستىنە سارالانعان تاريفتەردى الىپ  تاستاۋ شىعىنعا ابدەن باتىرسا كەرەك.

   «جىل باسىندا ەنەرگيانى تاسىمالداۋ مەن تەڭدەستىرۋ قۇنى ارتتى. ودان باسقا  زالالدارىمىز دا از ەمەس.تىعىرىقتان شىعۋدىڭ ءبىر عانا جولى بار, ول  باعانى ءوسىرۋ», دەيدى «سەۆكازەنەرگو» جشس باس ديرەكتورىنىڭ مىندەتىن اتقارۋشى ماعاۋيا ساعىندىقوۆ.

    كومپانيانىڭ ءوتىنىمى قابىلدانسا, جارىق قۇنى 9 پايىزعا وسپەك. سوندا جەكە تۇلعالار پايدالانعان 1 كۆت ەلەكتر قۋاتى ءۇشىن  14 تەڭگە 56 تيىن تولەيتىن بولادى. زاڭدى تۇلعالار ءۇشىن  دە قىمباتتايدى.

   قوعامدىق تىڭداۋعا كەلگەن  جۇرتشىلىق مۇنداي قاداممەن كەلىسكىسى جوق. وبلىستىق  ارداگەرلەر كەڭەسى الەۋمەتتىك-تۇرمىستىق ماسەلەلەر جونىندەگى تۇراقتى كوميسسياسىنىڭ توراعاسى امانگەلدى كەنجەعوجينوۆتىڭ ايتۋىنشا  تۇرمىسى تومەن وتباسىلار, جالعىزباستى ادامدار ءۇشىن وتە ءتيىمسىز. ويتكەنى, ەلەكتر قۇرىلعىلار كوپتەپ پايدالانىلادى.  بيىل جىلۋ كەشتەتىپ بەرىلىپ, جارىق ارتىق تۇتىنىلدى.  وسى جاعىن ەسكەرمەي بولمايدى.

  ەلەكتر قۋاتىنىڭ باعاسى  2 جىل بۇرىن كوتەرىلگەن ەكەن. الايدا  مونوپوليست كومپانيانىڭ ءوتىنىمى قابىلدانباي كەرى قايتارىلىپتى.

 قانداي شەشىم الىناتىنىن ۋاقىت كورسەتەدى.

ءومىر ەسقالي,

«ەگەمەن قازاقستان».

سولتۇستىك قازاقستان وبلىسى